Poem No 14

Kis Simt Outar Jaon Kuch Kah Nahin Sakta
Jion Phir Ya Ke Mar Jaon Kuch Kah Nahin Sakta

Koi Justujoo Paida Karon Main Phir Se Jiney Ki
Ya Tere Hijr Mein Ghir Jaon Kuch Kah Nahin Sakta

Tumhare Dar Se Jab Outh Hi Gaye To Pochte Kia Ho
Mar Jaon Ya Ghar Jaon Kuch Kah Nahin Sakta

Misl-e-Gull Hon Main Mujh Se Guraiz Hi Acha
Kia Janay Kab Bikhar Jaon Kuch Kah Nahin Sakta

Mumkin Hai Kisi Roz Jafa Ki Padash Mein Amjad
Tujhay Main Qatl Kar Jaon Kuch Kah Nahin Sakta.

Poem No 13

Raakh Mein Simtta Dayyar Dekhta Raha
Chup Chaap Khara Sogwar Dekhta Raha

Be Basi Se Takti Rahi Meri Be Basi
Main Be Basi Ko Baar Baar Dekhta Raha

Hamdardian, Tasalian Hamrah Thin Magar
Darkaar Thaa Jo Mujh Ko Pyare Dekhta Raha

Yaqeen Thaa Mujh Ko Ke Too Na Aaye Ga Lekin
Phir Bhi Main Tera Intizar Dekhta Raha

Tarpa Hon Is Qadar Ke Ainay Ke Samnay
Ja Kar Main Tujh Ko Baar Baar Dekhta Raha.

Poem No 12

Jahan Teri Kami Reh Jaye Gi
Baqaya Be Kasi Reh Jaye Gi

Main Aisi Shaan Se Sooli Charhon Ga
Ke Dunia Dekhti Reh Jaye Gi

Main Sab Kuch Bhool Bhi Jaon Agarchay
Yaad Phir Bhi Wohi Reh Jaye Gi

Takra Ke Doob Jaye Ga Khud Samandar
Aab Talay Kashti Meri Reh Jaye Gi

Tumahray Baad Bhi Dunia Mein Amjad
Tumhari Aashiqui Reh Jaye Gi.

Poem No 11

Chandani Chalay Gi Sitaray Chalen Ge
Mere Saath Manzar Tumhare Chalen Ge

Woh Bagh Woh Jhoolay Woh Pholon Ki Khushbu
Sabhi Kuch Ghazal Mein Sanwaray Chalen Ge

Jahan Tak Chalay Gi Ye Sanson Ki Kashti
Wahan Tak Ham Gham Ke Maray Chalen Ge

Khud Apnay Hi Kandhon Pe Khud Ko Outhao
Kahan Tak Kisi Ke Saharay Chalen Ge

Har Manzar Lagay Ga Har Manzar Se Behtar
Agar Saath Manzar Tumharay Chalen Ge

Kese Rahon Ga Tujh Se Ho Ke Alag Main
Kese Dariya Se Hatt Ke Kinaray Chalen Ge

Tujhay Kho Ke Jo Ham Ne Paye Hain Amjad
Taa Had-e-Umer Woh Khasaray Chalen Ge.

Poem No 10

Khowab Mein Rehtay Hain
Azaab Mein Rehtay Hain

Ghazal Soorat Ham Log
Kitaab Mein Rehtay Hain

Nasha Mujh Mein Or Ham
Sharab Mein Rehtay Hain

Mohabbat Karnay Walay Hamesha
Shabaab Mein Rehtay Hain

Amjad Hamesha Ham Hansi Ke
Naqaab mein Rehtay Hian.

Poem No 09

Koi Asool-o-Aadaab Zaroori Nahin
Ishq-e-Haqeeqi Mein Shabab Zaroori Nahin

Abbad Se Haath Mein Likhi Hain Sazaye'n
Jurm Ka Irtikaab Zaroori Nahin

Aankho'n Ki Haya Ke Qayal Hain Ham
Rukh Pe Dalo Naqab Zaroori Nahin

Aankhon Se Chhalak Jata Hai Khaloos
Koi Ji Or Janab Zaroori Nahin

Be Kafan Laash Par Bhi Likh Sakta Hai
Shayer Ke Liye Mahtaab Zaroori Nahin

Haath Mein Izhar-e-Mohabbat Ke Liye
Riwayeti Harba-e-Gulaab Zaroori Nahin

Toofano'n Ka Basera Bhi Ho Sakta Hai
Band Palkon Mein Khowab Zaroori Nahin

Zameer Ka Zinda Hona Kafi Hai
Roshni Ke Liye Aaftab Zaroori Nahin

Bosida Diary Mein Rakh Lo
Ho Shayeri Ki  Kitab Zaroori Nahin

Ronay Ke Or Bhi Kayi Tariqay Hain Amjad
Sajao Gaalo'n Pe Aab Zaroori Nahin.

Poem No 08

Chalo Aao Ousi Baagh Mein Chale'n

Jaha'n

December Ki Rato'n Mein

Sakht Sardi Ke Bawajood

Mohabbat Ki Kashish
Ham Dono Ko Kheench Laya Karti Thi

Chalo Aao Ousi Baagh Mein Chale'n

Mohabbat Ke Ann Mitt Daagh Mein Chale'n.

Poem No 07

Aik Khush Shakal Haath Chhura Kar Chala Gaya
Shab-o-Roz Mere Oudas Bana Kar Chala Gaya

Rakha Jisay Bacha Kar Toofano'n Ki Zadd Se
Tera Daman Woh Chiragh Bujha Kar Chala Gaya

Milee Na Sitamgar Ko Kahin Bhi Koi Jaga
To Zakhm Tah-e-Zakhm Laga Kar Chala Gaya

Phir Ous Ko Kahan Rahti Hai Apni Bhi Khabar
Qareeb Se Jis Ke Too Muskura Kar Chala Gaya

Meri Gali Se Aik Khilonay Baichnay Wala
Hanstey Howey Bachay Ko Rula Kar Chala Gaya

Wohi Tera Naseeb Howey Jo Qareeb Thay
Or Amjad Faqat Naam Kama Kar Chala Gaya.

Poem No 06

Youn Dard Ko Apnay Dawa Detay Hain
Tohfatan Zakhm Ko Ik Zakhm Naya Detay Hain

Shidat Se Ajayen Kabhi Yaad Jo Yaden
Tere Naam Ke Do Ashk Baha Detey Hain

Bohat Narm Banai Hai Fitrat Ne Tabiat
Koi Sang Outhaye To Doa Detay Hain

Mere Dar Pe Ajaye Koi Dard Ka Mara
Qisa-e-Dard Sunatay Hain Hansa Detay Hain

Kitnay Nadan Hain Log Pholon Ke Liye
pnay Gulshan Mein Kanto'n Ko Jaga Detay Hain

Hosh-o-Hawaas-o-Khwab Talak De Diye Ham Ne
Mohabbat Mein Bhala Or Kia Detay Hain

Ham Hain Ke Rkhtay Hain Lafzon Ki Aabroo
Woh Hain Ke Har Baat Bhula Detay Hain

Chalo Amjad Kisi Sehra Ki Taraf Chal Niklen
Aablay Paon Ke Kanto'n Ko SadaDetay Hain

Poem No 05

Aseer-e-Zulf-e-Yaar Rehnay Do
Mohabbat Ka Bimar Rehnay Do

Meri Ankhen Sharaar Rahnay Do
Mujhay Badah Khowar Rahnay Do

Gireba'n Taar Taar Rahnay Do
Mohabbat Mein Nikhaar Rahnay Do

Har Cheez Be Shak Mujh Se Le Lo
Faqat Tasweer-e-Yaar Rahnay Do

Bolo Na Koi Jhoot Mujh Se
Ye Rishta Payedar Rahnay Do

Poem No 04

Jaha'n Ghuncha Dikhayi Deta Hai
Tera Chehra Dikhayi Deta Hai

Mujhay Manzil Nazar Nahin Aati
Agar Rasta Dikhayi Deta Hai

Woh Phool Se Bhi Nazuk Hai
Jo Shola Dikhayi Deta Hai

Tumhen Yaqeen Hai Ke Phir Milen Ge
Mujhay Sapna Dikhayi Deta Hai

Bohat aden Hain Saath Amjad Ke
Tumhen Tanha Dikhayi Deta Hai

Poem No 03

Azeez Tar Hai Mujhay Teri Gali Ki Mitti
Ho Gai Aaj Se Woh Meri Zindagi Mitti

Tark-e-Talouq Bhi Gawara Sirf Itna Kah De
Main Tere Wajood Ka Hissa Hon Too Meri Mitti

Kahin Darya Ka Katao Baha Na Le Jaye
Seham Kar Simat Rahi Hai Dari Dari Mitti

Toofan-e-Ishq Mein Oukhar Gaye Bosida Safeh
Mere Saath Hoi Meri Shayeri Mitti

Lehad Mein Bhi Tere Didaar Ki Adat Na Gayi
Rah Takti Rahi Mehboob Mere Meri Mitti

Poem No 02

Jo Hona Hai So Ho Fikr-e-Kal Nahin Hota
Juno'n Mein Faisla Koi Bhi Mushkil Nahin Hota

Miltay Hain Rah-e-Zindagi Mein Bohat Chehrey Haseen
Har Chehra Magar Mehboob Ka Badal Nahin Hota

Haseen Logon Ke Liye Sab Inayaten Hain Waqf
Batao Kia Karay Woh Jo Khush Shakal Nahin Hota

Ameer Logon Ke Liye Sab Inayaten Hain Waqf
Batao Kia Karay Woh Jo Khush Shakal Nahin Hota

Roz Sochta Hon Ousay Bhool Jaon Amjad
Aik Isi Faislay Par Amal Nahin Hota.

Poem No 01

Baat Karo Ge To Baat Niklay Gi
WagaRna Younhi Raat Niklay Gi


Is Dil Ke Taar Chhairo To
Ik Poori Kaynet Niklay Gi


Sukh Chaho Ge Dukh Milen Ge
Dukh Samaito Hayat Niklay Gi


Mujhay Haar Do Yehi Behtar
Jito Ge To Maat Niklay Gi


Jab Tera Hukum Hoa Mere Mola
Is Qalam Se Bhi Naat Niklay Gi


Bulandion Ki Baat Ho Gi Jab
Mere Aaqa(PBUH) Ki Zaat Niklay Gi.